نايف حيدان : إثباتات وأدله على تحالف الحوثي مع صالح .!
يمني برس _ أقلام حرة بقلم / نايف حيدان
صجيتمونا عن هذا التحالف وكأن الثوار عميان وطرشان ما بيمشوا إلا بعكاز صالح وشور الراعي ، ذلحين قدا أنا تجسست على مكالمات وتوصلت إلى هذه المعلومات ، بس خلوها سريه بيني وبينكم :
صالح متحالف مع الحوثي والدليل وجود خصومه في دار الرئاسه ،،
صالح قد تحالف مع الحوثي وإلا شوفوا أين الأغلبيه حقه المريحه بمجلس النواب ،،
صالح من زمان متحالف مع الحوثي وإسألوا الوفد الإعلامي الذي زار صعده ،،
صالح يحب الحوثي قوي والشاهد قعشة إب ،،
صالح يدعم الحوثي وأدخله صنعاء ، بس الحوثي هرول لما وصل إب وقال له صالح خلاص إرجع إشرح لي كيف الهروله ،،
صالح ما كان يريد يقضي على الحوثي ، بس علي محسن ربط صالح وقال له إعلن حرب وسميها الأرض المحروقه وعلى ضمانتي نجتثهم بدون ما نقضي عليهم ،،
صالح كان قادر يرجع الحوثي إلى مران بس علي محسن مارضيش ،،
صالح كان يشتي يحكم إبنه أحمد وأستخدم الحوثي سلم بس هادي رفض وفحط عدن ،،
صالح قرر مع الحوثي يقتحموا عدن بس الإصلاح نصب صواريخ بعيدة المدى لمواجهة أي إستعمار جديد لعدن ،،
صالح أتفق مع الحوثي و أرسل مليشيات حوثيه متنكرين بزعانف وقشور من حق السمك لإحتلال عدن لكن مليشيا حسن أبكر وجماعة الحنق تصيدتهم واحد واحد والآن هم في قبضة فؤاد دحابه يجري معاهم تمرينات رياضيه ،،
صالح يا جماعه خلوا له حاله فذكرى إسبوع الشهيد ومعرض إكسبوا مازاد خلاه يطعم النوم ، لاتصدقوا هنجمته والفحاط حق أول أمس ، هي إلا بس حركات يوجع قلب ذي قد غدغدوه ،،
المهم حذروا محمد قحطان لا يزيد يهددنا إذا ما سرنا بعدهم بايتحالف مع صالح ونرجع نصيح من جديد إرحل إرحل ،،
أما أصحاب تكتل الإنقاذ أمانه قد حنبوا وما عاد معاهم حل إلا يربطوا كل الذين أعلن عنهم بمشاركتهم بهذه الفضيحه ، لأن بعض أحزاب هوره تشتي لقاء مشترك وتشتي دعم قطري وفاعله رجل بالمشترك ورجل بالتكتل وحيث الفائده تجثم فوقها لما يسمعوا الناس الغاره والزعيق …
