وبعد تيسنة وخرفنة واستجحاش قررت أمريكا دعم اليمن … وفهمت أنه بدنا نعيش ونشوف حياتنا … لأنه هادي إحتاج لسنوات يوصّل المعلومة بشكل جيّد … فكانوا كل ماسألوه الأمريكيين ((ماذا تحتاج اليمن لنساعدكم)) فكان يقول ((نشتي دغيج دغيج)) .. ماقدروش يفهموه هو قصده الشعب يريد دقيق “طحين” وراشان البيت وكذا أشياء … وظلوا يسألوه ((ولك يا إبني أيش تحتاجوا ماذا تريدون)) …. وكان يمكنهم ((دغيج دغيج)) … يقلبوه على جنب يميلوا راسه يمكن في شي حانب بلقفه يقلوله ((افتح فمك)) فتحلهم لقفه طلعت منه ريحة سمك وبيض فاسد شلوك الجن ويتفرجوا مافيش شي بفمه ((ولك ماذا تريد نحضر لك إلى هنا)) … وهو مكانه يقلهم ((دغيج دغيج)) .. ودخلوا الحوثيين عمران ودخلوا صنعاء .. وهم يتصلوا فيه من البيت الأبيض ((هادي أيش تحتاج انتا نحن صعب نفهم عليك)) وهو يمكنهم ((دغيج دغيج)) ..
قدم هادي إسقالته وجابوا إعلان دستوري وأمريكا جانن جنونها تشتي تفهم أيش كان يشتي هادي …. وهرب هادي لعدن وهم اتصلوا فيه ((انتا يابو قرعة وراس كبير دنبوع انتا واحد ماتفهم ماذا تريد نحضر لكم)) … وهو يمكنهم ((أيوا دغيج جيبولنا دغيج)) …. قرروا الأمريكيين يرسلوا وفد ينزلوا لليمن ويعرفوا أيش يشتي هادي …. طلعوا فوق بيجوا عشان ينزلوا عدن وصاحب البيجو طلع من (تعز) …. قالوا بيجربوا يسألوا صاحب البيجو يمكن تسبر معاهم ويوفر عليهم تعب البحث عن الترجمة الصحيحة لما يطلبه هادي منهم …. سألوه ((أنتا وات دغيج دغيج)) …
السواق مافتهملوش جلس يحك راسه يقول بينه وبين نفسه ((مو يشو ذوم مني الآن .. خينا يشتوا ماء ولا أكياس للطرش)) … أشرلهم بيده ((مو أيش في؟)) … قالوله ((دغيج دغيج في أيش)) …… صاحبنا السواق ضحك ((هاااااااااااه هههههههه أيوة أيوة الدنيا حرب ودجيف الدجيف بعدن بس لاتخافوش)) … قالوله ((ايوة ايوة دغيج دغيج)) …. قالهم ((أيوة والله دجيف الدجيف بوووم قاح دبوووم)) …. الأمريكيين فرحوا وارتاحوا افتهملهم بووم قاح دبوووم وراحوا يترجموا طلب هادي أنه يحتاج أسلحة
الجزء الثاني :
ورجع الوفد لأمريكا وعملوا جلسة طارئة وراحوا يأنبوا أنفسهم ويعاتبوا بعضهم ويقولوا والله هادي كان وفي معانا ونحنا خذلناه ….
الرجال كان يشتي سلاح عشان يوقف الحوثيين من عمران وصنعاء فين بانودي وجهنا منه …. واتصلوا لهادي قالوله ((نحنا عارفين ان وجه من وجه أسود بس أطمئن هادي أنت تمام أنت كويس واحد في دغيج كثير في الطريق بيجي عندك لاتقلق أنت أسحن واحد خبيبي هادي)) …..
وأقرَّوا بالكونجرس أن يرسلوا لهادي شحنة أسلحة بنصف مليار دولار كأرسالية عاجلة وطارئة لهادي ….. وهادي يقول أنا ماشتي بابوه الدغيج الآن أشتي غاح غبوم بيغتلونا غدهم غريبين مننا … يقصد قد الحوثيين قريبين وبيقتلوه …. المهم بلا كثرة هدار أمريكا ظلت تراقب الشحنة عبر أقمارها وطائراتها ورافقتها وأمَّنتها وقبل ماتوصل لهادي بحوالي 30-35 كيلومتر طفت الكهرباء بأمريكا وضاعت إشارة التتبع عبر الأقمار وماقدروش يرجعوا الكهرباء إلا بعد 3 ساعات مساكين …. لبين ماولعوها كانت الشحنة قد (ضاعت) طيب يمكن غلطانين يا مستر كيري عيد تشغيل القمر الصناعي قد يكون مُعلِّق أو مُفيرس …. جربوا عادوه ثلاث أربع مرات وللأسف مافيش فائدة وادركوا حينها المصيبة التي حلّت على هادي وبكى جون كيري واوباما كان يضرب راسه ويقطع شعره زعلان يبكي من قلبه واجهش الكونجرس بالبكاء لااااااااااء الشحنة ضاعت لاااااااااااء مش معقووووول وبدأو يلطموا ويضربوا أنفسهم مثل الشيعة واهادياااه … المهم … بعدين راحوا يعلنوا أنه في شحنة أسلحة بـنص مليار دولار ضاعت باليمن فعلى من يجدها الإتصال بالرقم %$@%^& وعدم تسليمها للقاعدة والمتطرفين لأنهم شوعة ومش حبوبين ولو جاءت بيدهم الأسلحة رح تزعل أمريكا وتاخذ على خاطرها ….
فالله يرضى عليكم ياجماهير شعبنا العظيم اللي لقى الأسلحة لايتهابلش عيب …. وينتبه يروح يتسخسخ ويسلمها للقاعدة لأن ذولاك أستخدامهم للأسلحة مش لائق ولطيف … الله يرضى عليكم مش وقت مزاح وسفاط وخبالة ومنذالة ومش عارف أيش …. وانتوا ياكونجرس امسحوها بوجهنا ذي المرة حقكم علينا …. هو صحيح عندنا سرق وعلى مستوى عالمي بس مش لدرجة يسرقوا شحنة أسلحة بقيمة نص مليار دولار يالطيـــــــــــــــــــــــــف على شعب نصااااااااااااب وحرامي ومايتئمن له …. فأنتبهوووووو على جيوبكم وممتلكاتكم .. هيا خاطركم ……..ولك ياعيال الكللللللللللللللللللب فين ماوس الجهاز
